Fundur með Vilhjálmi borgarstjóra 14. maí 2007.

Fundurinn hófst um kl 11 og voru mættir frá íbúasamtökunum Birgir Björnsson, Valgerður Solveig Pálsdóttir, Guðmundur K. Sigurgeirsson, og Ólafur Jóhannsson. Eftirfarandi var rætt á fundinu:

1)      Íþróttasvæðið í hverfin var rætt og nýting þess í framtíðinni.

2)      Göngubrýr til að tengjast betur nærliggjandi hverfum og auka þannig umferð gangandi og hjólandi.

3)      Hugmyndir um lokun Fellsmúla við Síðumúla var kynnt fyrir borgarstjóra.

 

Fundi lauk um kl. 12.

Fundur með Birni Inga Hrafnssyni 18 apríl 2007

Fundurinn hófst um kl 11.00 og voru mættir frá íbúasamtökunum Birgir Björnsson, Valgerður Solveig Pálsdóttir, Guðmundur K. Sigurgeirsson, Heiða Björk Sævarsdóttir og Ólafur Jóhannsson. Eftirfarandi var rætt á fundinu:1) Flutningur Fram úr Safamýri upp í Grafarholt. 2) Brú á milli Háaleitishverfis og 3. hverfis yfir Kringlumýrarbraut 3) Nýting opinna svæða í hverfinu.

Fundi lauk um kl. 12.00 

Fundur með Hverfaráði Háaleitis 10. apríl 2007

Fyrir hönd íbúasamtakanna voru mætt Birgir Björnsson, Valgerður Solveig Pálsdóttir, Guðmundur K. Sigurgeirsson og Ólafur Jóhannsson.

Frá hverfaráði voru eftirtaldir mættir: Þorbjörg Helga Vigfúsdóttir, formaður, Þórunn Benný Birgisdóttir og Hrefna Sigurjónsdóttir áheyrnafulltrúi Vinstri grænna. Jafnframt sat fundinn Aðalbjörg Traustadóttir, framkvæmdastjóri þjónustumiðstöðvar Laugardals og Háaleitis og Helgi Hjartarson, deildarstjóri

 

Fundurinn hófst kl. 12.30. Eftirfarandi málefni voru rædd.

 

1. Staða íþróttafélagsins Fram í hverfinu rædd.
2. Umferðamál við Háaleitisbraut voru rædd og hvernig mættir lækka hraða við götuna.
3. Miklabraut var rædd og mengun frá henni.
4. Göngustígur á milli Háaleitisbrautar og Síðumúla var ræddur og lofaði hverfaráð að þrýsta á að hann yrði hreinsaður og lagfærður.
5. Fækkun bensínstöðva í hverfinu.  

Fundinum lauk um kl.13.30

Skráður þig í íbúasamtök Háaleitis norður í gegnum tölvupóst!

Við viljum hvetja alla íbúa hverfisins til að skrá sig í  íbúasamtökin.

Sendu póst á [e-mail] og þú færð sendar allar helstu upplýsingar um starf samtakanna.

ATH: Skráning í samtökin er öllum að kostnaðarlausu.

Stjórnin.

 

Stjórnarfundur miðvikudaginn 21. mars 2007.

Haldinn að Háaleitisbraut 37 hjá Gróu Másdóttur kl. 17.00. 

Á fundinn voru mættir úr stjórn:

Valgerður, Guðmundur, Ólafur, Bjarni, Birgir og Gróa.

 

Rætt var um fund sem haldinn var með forsvarsmönnum íþróttafélagsins Fram. Áhyggjum var lýst yfir að Fram færi hugsanlega úr hverfinu og leiðir ræddar til að svo yrði ekki.

 

Önnur mál voru rædd s.s. umferðamál, umhverfismál og fl.

 

Loks var farið fyrir tillögur að stefnumálum hverfisins, eftirtalin atriði voru rædd og ákveðið að vinna markvist í stefnumótun á þeim.

  1.      Aðgengi og þarfir barna og unglinga í Háaleitishverfi

2.      Íþrótta- og æskulýðsstarfsemi í Háaleitishverfi

3.      Umbætur í umferðamálum við Háaleitisbraut.

4.      Vegamál Miklubrautar og Kringlumýrarbrautar

5.      Fækkun bensínstöðva í hverfinu

6.      Samhugur íbúa – hverfishátíð

7.      Umgengni og hverfisbragur

8.      Fjölgun félagsmanna í Íbúasamtökum Háaleitis norður.

9.      Skipan í vinnuhópa

10.  Breyting á gatnakerfi við Háaleitisbraut.

11       Hringtorg.

12. Fegrun umhverfis og gróðursetning trjáa.  

Fundi var slitið kl.18.30

 

Ólafur Jóhannsson

Ritari.

Borgarafundur um stofnun íbúasamtaka Háaleitis norður.

Haldinn fimmtudaginn 15. febrúar 2007 kl. 17.00 í sal Álftamýrarskóla.

Hlíf Ísaksdóttir úr undirbúningshópnum setti fundinn og bauð gesti velkomna sem voru

á fimmta tuginn. Gerði síðan grein fyrir undirbúningshópnum og störfum hans, en í

hópnum voru: Birgir Björnsson Háaleitisbraut 42, Hlíf Ísaksdóttir Háaleitisbraut 113, Ólafur Jóhannsson Háaleitisbraut 149 og Valgerður Solveig Pálsdóttir Háaleitisbraut 151

Lögð var fram tillaga um Magnús Lyngdal Magnússon sem fundarstjóra og Ólaf Jóhannsson sem fundarritara og var það samþykkt.

Eftir að fundarstjóri hafði ávarpað fundinn var gengið til dagskrár.

 

1. Borin fram tillaga um stofnun íbúasamtaka Háaleitis norður.

Fundarstjóri bar upp eftirfarandi tillögu:

"Borgarafundur haldinn 15. febrúar 2007 samþykkir að stofna íbúasamtök í Háaleiti, norðan Miklubrautar. Jafnframt samþykkir fundurinn að samtökin heiti búasamtök Háaleitis norðurs. Undirbúningshópurinn."

Fyrirspurn úr sal hvers vegna svæði íbúasamtakanna væri ekki stærra. Birgir svaraði því á þá leið að stofnun samtakanna sprytti úr samstarfi foreldraráðs Álftamýrarskóla og foreldrafélaga Álftaborgar og Múlaborgar. Það væru mörg aðkallandi mál er vörðuðu umferðaröryggi skólabarna í hverfinu sem þyrfti að ráða bót á en það væri ekkert því til fyrirstöðu að huga að stækkun félagsins ef hugur væri á því.

Tillagan var samþykkt samhljóða.

 

2. Tillaga um lög samtakanna kynnt og borin undir atkvæði.

Fundarstjóri gerði grein fyrir lögunum félagsins sem eru í 9  liðum. (sjá fylgiskjal).

Fyrirspurnir úr sal varðandi 2. grein varðandi aldur og var það rætt.

Gengið var til atkvæða og voru lögin samhljóða samþykkt.

 

3. Hilmar Sigurðsson formaður Íbúasamtaka 3. hverfis.

Kynnti okkur starfsemi íbúasamtaka í sínu hverfi og ræddi um þau mál sem sameiginleg eru okkar hverfi og 3. hverfis. Einnig nefndi hann mögulegt samstarf allra íbúasamtaka í borginni.

 

4. Kosning stjórnar.

Fundarstjóri bar upp tillögu um eftirtalda í stjórn samtakanna, tvo meðstjórnendur og tvo endurskoðendur:

Formaður:  Birgir Björnsson

Varaformaður: Hlíf Ísaksdóttir

Ritari: Ólafur Jóhannsson

Gjaldkeri: Valgerður Solveig Pálsdóttir

Meðstjórnandi: Ásta Guðbrandsdóttir

Meðstjórnandi: Gróa Másdóttir

Meðstjórnandi: Guðmundur K. Sigurgeirsson

Varamenn:

Heiða Björk Sævarsdóttir

Bjarni Th. Rögnvaldsson

Skoðunarmenn reikninga: Gunnar Óli Sigurðsson  og Þórunn Björk Sigurbjörnsdóttir

Tillagan var samþykkt samhljóða.

 

5. Frjálsar umræður.

Sif lýsti yfir áhyggjum sínum vegna aukinnar umferðar við Kringlumýrabraut. Birgir talaði um að koma Kringlumýrabraut í jarðgöng eða stokk.

Birgir ræddi að væntanlega væri hægt að nota eitthvað af því svæði sem skapaðist við breytingu á Miklubraut og Kringlumýrarbraut. Hann nefndi að t.d. væri hægt að hugsa sér sundlaug á einhverju því svæði sem losnaði færu Miklubraut og Kringlumýrarbraut í jarðgöng eða stokk. Birgir skoraði á viðstadda að koma fram með hugmyndir.

Hlíf nefndi að halda opinn fund með skipulagsyfirvölum um heildarhugmyndir um hverfið.

Almennar umræður fóru fram um jarðgöng og stokka.

Kristján úr framkvæmdaráði borgarinnar og varaborgarfulltrúi upplýsti að fljótlega yrði kynnt lausn á gatnamótum Kringlumýrabrautar og Miklubrautar.  Hann benti á að heppilegra hefði verið að hafa eitt félag fyrir heildar hverfið sem Reykjavíkurborg er búin að afmarka.

Hlíf upplýsti að umferðaljósin sem verið er að setja upp við Háaleitisbrautina eru að frumkvæði íbúa við Háaleitisbraut.'

Sigurður Daníelsson ræddi um veggjakrot og lýsti áhyggjum sínum vegna aukningar á því. Hann vill að íbúasamtökin beiti sér til að koma í veg fyrir veggjakrot og að húseigendur lagi hús sín strax eftir veggjakrotið. Hann var með myndir máli sínu til stuðnings. Birgir talaði um að taka þetta mál upp við hverfisráðið.

Tillaga kom fram um að gróðursetja sígræn tré þar sem veggjakrotið er mest.

Garðar upplýsti að það væri starfshópur í gangi á vegum Reykjavíkurborgar og lögreglunnar í þessu máli.

Umræður urðu um hraðamæli sem staðsettur er á Háaleitisbraut.

Birgir sagði að áhugi væri hjá íbúum fyrir því að gera Háaleitisbraut að 30 km götu.

Hlíf upplýsti að gerð hefur verði mæling við opinberar byggingar í Reykjavík og að mesta mengunin mældist við Álftamýrarskóla.

Vilji á að fá hljóðmön við þessar helstu götum í kringum hverfið líkt og í Kópavogi.

Uppástunga að hafa brautarverði við gönguljós á Háaleitisbraut.

 

Fleira ekki gert og lauk fundi kl. 18

___________________________                              ____________________________

Ólafur Jóhannsson                                                       Birgir Björnsson

fundarritari                                                                    formaður

               

 

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.