Aðalfundur íbúasamtaka Háaleitis norður.

Haldinn miðvikudaginn 12. mars 2008 kl. 20.00 í sal Álftamýrarskóla. 

Birgir Björnsson formaður setti fundinn og bauð gesti velkomna. Lögð var fram tillaga um Magnús Lyngdal Magnússon sem fundarstjóra og Ólaf Jóhannsson sem fundarritara og var það samþykkt. Eftir að fundarstjóri hafði ávarpað fundinn var gengið til dagskrár.  

1.            Kynning frá framkvæmdasviði Reykjavíkurborgar.Stefán Finnsson frá framkvæmdasviði Reykjavíkurborgar kom og hélt kynningu á því sem er verið að vinna að varðandi umferðarmannvirki í hverfinu okkar. Eftirfarandi þættir fór Stefán yfir á fundinum:-         Sérstakar strætisvagnaakreinar og hljóðmanir-         Hávaðamælingar fyrir og eftir hljóðmanir -         Hraðahindranir og lækkun hámarkshraða við Fellsmúla auk umferðaeyja með gróðri sem fyrirhugað er að settar upp. Margt fleira rætt sem varðar þrengingu akreina á þessu svæði. -         Þrenging og hlykkir á Háaleitisbraut ræddir og lokun á hliðargötu samsíða fjölbýlishúsum. Hér var ýmislegt rætt varðandi hraðakstur og möguleikar á að hægja enn frekar á umferðinni.-         Gatnamót Háaleitisbraut/Fellsmúli. Stefán kynnti hugmyndir framkvæmdasviðs varðandi lausn á gangandi umferð – þrepaskipt gönguljós – skipt gönguljós verða sett upp í framtíðinni. Nokkrar útfærslur kynntar varðandi umferðaljós á þessum gatnamótum.   

2.            Skýrsla stjórnar um störf félagsins áliðnu starfsári.Birgir gerði grein fyrir starfi félagsins og fór yfir helstu atrið:-         Íbúasamtökin fá áheyrnarfulltrúa í hverfaráði -         Hverfið skoðað út frá þörfum barna og unglinga, þ.m.t. umferðamál og slys á börnum í umferðinni. Háaleitisbraut og Fellsmúli aðallega skoðuð í því sambandi. -         Veggjakrot.-         Óæskilegur fjöldi bensínstöðva.-         Mislæg gatnamót KriMi – næsta stóra mál sem íbúasamtökin verða að sinna.-         Stjórn íbúasamtakanna hefur hitt þrjá síðustu borgarstjórana .-         Fram – halda þeim í hverfinu ef mögulegt er.-         Lækkun hraða á Háaleitisbraut og Fellsmúla. 

3. Endurskoðaðir reikningar félagsins.Reikningar félagsins eru engir á liðnu starfsári. 

4. Gerð grein fyrir störfum nefnda.Birgir gerði lauslega grein fyrir þeim verkum og auglýsti eftir fleiri aðilum til að taka þá í nefndum. 

5. Kosning formanns.Formaður: Birgir Björnsson endurkjörinn formaður félagsins. 

6. Kosning stjórnar og varamanna.Eftirtaldir voru kosnir í stjórn:Varaformaður: Gróa MásdóttirRitari: Heiða Björk SævarsdóttirGjaldkeri: Valgerður Solveig PálsdóttirMeðstjórnandi: VaramaðurMeðstjórnandi: Birgitta ÁsgrímsdóttirMeðstjórnandi: Guðmundur K. SigurgeirssonVaramenn: Ólafur Jóhannsson 

7. Kosning tveggja skoðunarmanna reikninga.Gunnar Óli Sigurðsson  og Þórunn Björk Sigurbjörnsdóttir voru kosnir skoðunarmenn reikningar. 

8. Lagabreytingar.Tillaga stjórnar á aðalfundi 2008 um breytingu á lögum Íbúasamtaka Háaleitis norður: 

Lög íbúasamtaka Háaleitis norður 

Verður: Lög Íbúasamtaka Háaleitis 

 1. grein. Heiti félagsins og varnarþing  Félagið heitir Íbúasamtök Háaleitis norður. Varnarþing félagsins er í Reykjavík.  

Verður: 1. grein. Heiti félagsins og varnarþing  Félagið heitir Íbúasamtök Háaleitis. Varnarþing félagsins er í Reykjavík.  

 2. grein. Félagssvæðið  Félagið er félag íbúa í Háaleiti norður; saman stendur það af íbúum við Háaleitsbraut norðan Miklubrautar, Safamýri, Álftamýri, Starmýri og Fellsmúla.  Allir íbúar sem eiga lögheimili á svæðinu og eru 18 ára og eldri hafa kjörgengi og atkvæðisrétt á fundum félagsins. Nánar afmarkast áhrifasvæði félagsins af Kringlumýrarbraut í vestri, Suðlandsbraut í norðri, Grensásvegi í austri og Miklubraut í suðri að götunum meðtöldum.  

Verður: 2. grein. Félagssvæðið  Félagið er félag íbúa í Háaleiti. Saman stendur það af íbúum við Álftamýri, Álmgerði, Brekkugerði, Efstaleiti, Espigerði, Fellsmúla, Furugerði, Háaleitisbraut, Heiðargerði, Hlyngerði, Hvammsgerði, Hvassaleiti, Kringlunni, Miðleiti, Neðstaleiti, Ofanleiti, Safamýri, Seljugerði, Skálagerði, Starmýri, Stóragerði og Viðjugerði Allir íbúar sem eiga lögheimili á svæðinu og eru 18 ára og eldri hafa kjörgengi og atkvæðisrétt á fundum félagsins. Nánar afmarkast áhrifasvæði félagsins af Kringlumýrarbraut í vestri, Suðlandsbraut í norðri, Grensásvegi í austri og Bústaðarvegi í suðri að götunum meðtöldum  

 Voru þessar breytingar allar samþykktar. 

9. Fjárhagsáætlun næsta starfsárs.Birgir gerði grein fyrir áformum sem íbúðasamtök Fossvogs og Íbúasamtök Háaleitis hafa rætt um varðandi styrki frá Reykjavíkurborg.  Þessi tvö íbúasamtök eru í sama hverfi samkvæmt skiptingu Reykjavíkurborgar. Annað var ekki fjallað um. 

10.Kosning nefnda.Stjórnarmenn sinna verkefnum og kalla til varamenn eftir þörfum.Ekki var kosið í ákveðnar nefndir og mun stjórn kalla til aðila úr hverfinu ef þurfa þykir í þau verk. 

11.Önnur mál.Íbúasamtökin ætla að leggja áherslu á sjónarmið sín varðandi KriMi og styðja íþróttafélagið Fram til áframhaldandi starfa í hverfinu. Hreinsun göngustígastíga rædd. Mislæg gatnamót við Miklubraut / Háaleitisbraut.Rætt um mengun við Miklubraut. Svifryk rætt og möguleikar á að draga úr því.Stækkun Kringlunnar. Tillaga kom fram að það efni sem Stefán Finnsson ræddi á fundinum yrði tekið upp við Gísla Martein. Mættir voru á fundinn 16 manns auk Stefáns Finnssonar.

Fleira ekki gert og lauk fundi kl. 21.40

Ólafur Jóhannsson   fundarritari         Birgir Björnsson  formaður